Выдавецтва «Тэхналогія» ў Дзень друку прэзентуе ўнікальнае выданне — «Біблію Францішка Скарыны». 500-гадовая кніга ўпершыню паўстае перад чытачом пад адной вокладкай.
Укладальнік Алесь Бразгуноў падрыхтаваў тэксты ў сучаснай графічнай адаптацыі, узнавіў прадмовы і пасляслоўі асветніка, паведамляе выдавецтва.
Гэтае шыкоўнае выданне будзе цудоўным падарункам для гісторыкаў, мастацтвазнаўцаў і ўсіх аматараў кніг!
У кнізе пададзены поўныя тэксты кніг Бібліі, выдадзеных Францішкам Скарынам у 1517—1525 гг. у Празе і Вільні ў перакладзе на старабеларускую мову з нумарацыяй біблейных вершаў, з указаннем памылак друку, з пазначэннем асноўных разыходжанняў з царкоўнаславянскім і лацінскім перакладамі. У дадатках змешчаны выяўленыя ў «Малой падарожнай кніжцы» (1522) і «Апостале» (1525) фрагменты з іншых кніг Бібліі, выданне якіх Ф. Скарынам не пацверджана.
Цана выдання — 280 рублёў.
Цяпер чытаюць
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары