Новы дзіцячы верш Андрэя Скурко — пра ветлівасць. І ён карысны для трэніроўкі вымаўлення
Нашанівец, палітвязень і цудоўны дзіцячы паэт Андрэй Скурко даслаў свайму сыну Тамашу новы верш, як піша Паўліна Скурко, «у працяг «Сопелек» і на трэніроўку літары «Ч».
Ілюстрацыі штучнага інтэлекту, але скора будуць і цудоўнага сапраўднага мастака, піша Паўліна Скурко
Чхае мыш і чхае кот,
Чхаюць леў і бегемот.
Чхае заяц у траве,
Чхае кожны чалавек.
З поля, з лесу, з-за ракі
Часам чуецца: «Апчхі!»
Мусім мы такой парою
У адказ жадаць здароўя.
Адрас для лістоў Андрэю:
Скурко Андрэй Генадзевіч, атрад 7, Слаўгарадская шаша, 183, папраўчая калонія №15, 212013, п/а Вейна, г. Магілёў.
Цяпер чытаюць
Мінчукі скардзяцца на атручванне пасля наведвання вядомага рэстарана. Працу ўстановы прыпынілі5
Каментары