Праваабарончыя арганізацыі Беларусі прызналі галоўнага рэдактара «Рэгіянальнай газеты» Аляксандра Манцэвіча палітычным вязнем, паведамляе БАЖ.
Аляксандра Манцэвіча затрымалі 15 сакавіка пасля ператрусу ў яго доме ў Вілейцы.
27 сакавіка стала вядома, што Аляксандра Манцэвіча перавялі ў жодзінскую турму. Пасля Следчы камітэт заявіў, што Манцэвічу інкрымінаваны арт. 369-1 Крымінальнага кодэкса («Дыскрэдытацыя Рэспублікі Беларусь»).
Згодна з матэрыяламі крымінальнай справы, Манцэвіч, з'яўляючыся дырэктарам рэдакцыі газеты, сумесна з іншымі асобамі з 1 студзеня 2020 года па 15 сакавіка 2023 года «распаўсюджваў у друкаваным выданні і яго інтэрнэт-рэсурсах заведама лжывыя звесткі, якія дыскрэдытуюць Беларусь і яе органы ўлады».
Аляксандр Манцэвіч — неаднаразовы пераможца журналісцкіх конкурсаў і прэмій за высокія стандарты працы.
Улетку 2021 года міліцыя ўжо прыходзіла з ператрусам у памяшканне рэдакцыі і ў дом галоўнага рэдактара.
Праваабаронцы патрабуюць:
• неадкладнага вызвалення Аляксандра Манцэвіча і спынення ў дачыненні да яго крымінальнага пераследу;
• адмовы ад выкарыстання метадаў крымінальнага пераследу як інструмента ціску на свабоду выказвання меркавання ці іншыя правы і свабоды;
• неадкладнага спынення рэпрэсій, а таксама вызвалення ўсіх палітычных зняволеных.
Галоўнага рэдактара «Рэгіянальнай газеты» абвінавачваюць у «дыскрэдытацыі ўлады»
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію1
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6666
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне66
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары