Свет33

Адзін на мільёны. Рыбак злавіў рэдкага сіняга амара

У Брытаніі рыбак дастаў з вады сіняга амара. Гэты від настолькі рэдкі, што шанец злавіць яго — прыкладна адзін да двух мільёнаў, піша Бі-бі-сі.

Фота: Stuart Brown

Аўтарам улову стаў 28-гадовы Сцюарт Браўн з графства Даўн. Мужчына не адразу паверыў, што яму ўсміхнулася такая ўдача.

Хоць за продаж такога амара можна атрымаць значную суму, брытанец выпусціў яго ў ваду ля ўзбярэжжа Белфаста.

«Ён зноў у заліве. Спадзяюся, што калі яго хтосьці зловіць, то таксама выпусціць», — напісаў у сацсетках Браўн, апублікаваўшы фота рэдкага ўлову.

Браўн кажа, што бачыць такога амара ўпершыню.

«Іншыя рыбакі, з якімі я размаўляў, якія нашмат старэйшыя за мяне, таксама ніколі такога не бачылі, — дадаў ён. — Гэта для ўсіх стала нечаканасцю. Ніколі не ведаеш, што цябе чакае».

Большасць амараў (яны ж лобстары) — цёмна-карычневага колеру, але могуць мець іншыя незвычайныя адценні, у прыватнасці, аранжавы, чырвоны і жоўты.

Звонку сіні лобстар нічым не адрозніваецца ад звычайнага. Па будове ён падобны да рачнога рака, але пераўзыходзіць яго па памерах.

Навукоўцы кажуць, што незвычайны колер звязаны з генетыкай. З-за таго, што бялок, які адказвае за афарбоўку экзашкілета, выпрацоўваецца ў лішку, натуральны колер лобстараў набывае сіняватае адценне.

Сіняя афарбоўка для гэтых членістаногіх вельмі рэдкая і сустракаецца прыкладна ў адной асобіны на два мільёны.

Таму рыбакі моцна радуюцца, калі такі сустракаецца падчас лоўлі рыбы, таму што прадаць яго можна вельмі дорага.

Каментары3

  • зла тая рыбка
    11.02.2023
    "вельмі рэдкая і сустракаецца прыкладна ў адной асобіны на два мільёны"
    зараз пэўна ж будзе сустракацца часцей.  ̷т̷ы̷с̷я̷ч̷а̷ ̷ч̷а̷р̷ц̷е̷й̷ ̷і̷ ̷я̷к̷а̷р̷ ̷н̷е̷к̷а̷м̷у̷ ̷ў̷ ̷ж̷.̷.̷.̷
    нажаруцца марскія твары пластыку і не толькі, што скідвае чалавецтва ў водны басейн, дык рыбакі пабачаць шчэ й не такі "цуд"
  • ЯНКА
    12.02.2023
    зла тая рыбка, Хамса, у беларускай мове няма слова «шчы».
  • рыба-гадюка
    12.02.2023
    адвянь, старык. ідзі
    другу рыбу паіШЧЫ

Цяпер чытаюць

Украіна масіравана атакавала расійскія аэрадромы і знішчала бамбардзіровачную авіяцыю41

Украіна масіравана атакавала расійскія аэрадромы і знішчала бамбардзіровачную авіяцыю

Усе навіны →
Усе навіны

Памер экспарту лунінецкага фермера ў Расію ўпершыню перасягнуў 10 мільёнаў даляраў2

Маладую касплэйшчыцу кінулі ў калонію за «заклікі да прычынення шкоды Беларусі»8

Пад Мінскам машына сутыкнулася з матацыклам ВІДЭА

У Мінску праходзіць велакарнавал «Viva Ровар» ФОТЫ2

Брэсцкія памежнікі не прапусцілі без чаргі інваліда з Расіі — былога прэс-сакратара паліцыі Інгушэціі. Ён абураны10

Макрон заклікаў стварыць «кааліцыю незалежных» і не глядзець на Вашынгтон і Пекін4

Чарэшні на Камароўцы патаннелі ўтрая. Чым яшчэ выгадна закупіцца?2

Паўлючэнка: Вольга Сямашка хацела атрымаць для аўдыту менавіта фонд «Разам»21

Папулярная актрыса выпусціла мыла з вадой з уласнай ванны1

больш чытаных навін
больш лайканых навін

Украіна масіравана атакавала расійскія аэрадромы і знішчала бамбардзіровачную авіяцыю41

Украіна масіравана атакавала расійскія аэрадромы і знішчала бамбардзіровачную авіяцыю

Галоўнае
Усе навіны →

Заўвага:

 

 

 

 

Закрыць Паведаміць