Міністр адукацыі Іванец заявіў, што дырэктар школы павінен сам здымаць пробу ў школьнай сталовай
На мінулым тыдні Лукашэнка раскрытыкаваў школьнае харчаванне.
Міністр адукацыі Андрэй Іванец сказаў у эфіры тэлеканала «Беларусь 1», што дырэктар школы павінен здымаць пробу з ежы ў школьнай сталовай.
На тэлеканале заўважылі, што дырэктар павінен сам змагацца за якасць ежы, будуць і смачныя стравы.
А міністр дадаў: «Простай мовай кажучы, зняць пробу ты абавязаны з кожнага прыгатаванага прыёму ежы. І гэта з’яўляецца самай галоўнай гарантыяй».
Па яго словах, у гэтым пытанні неабходна ў поўнай меры адысці ад фармалізму, а пытанні трымаць пад кантролем кожны дзень.
На мінулым тыдні Аляксандр Лукашэнка сказаў, што палова ежы са школьных сталовых ідзе ў адкіды, заявіў аб крадзяжах у школьных сталоўках. Камітэт дзяржаўнага кантролю сказаў аб скаргах саміх вучняў на харчаванне ў школах Беларусі, а таксама аб выніках праверак сталоў устаноў адукацыі, якія выявілі ежу з пратэрмінаванымі тэрмінамі прыдатнасці, недавесы, вынас прадуктаў.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі43
Каментары
але і набіраюць фаршаў ды мяска, каб паспрабавалі дома.
А что, проверенный, веками, метод, жаль только, что, школьникам, вино не положено....