Чацвёра падлеткаў дзеля галюцынацый паелі сушаных мухамораў і трапілі ў рэанімацыю
Незвычайны выпадак атручвання грыбамі зафіксавалі ў Магілёве. Хлопец і тры дзяўчыны 15 і 16 гадоў вырашылі дзеля вострых адчуванняў паесці мухамораў. Яны купілі сушаныя грыбы ў інтэрнэце. Агульная маса — 30 грам. Прыкладна 25 грам яны падзялілі пароўну і з'елі лыжкай, запіваючы вадой.
Аднак замест галюцынацый дзеці проста сталі траціць прытомнасць. Добра, што хуткая дапамога прыехала своечасова і іх паспелі выратаваць. У дыягназе значыцца «вострае пераральнае атручванне мухаморамі».
Рэшту, якая не была з'едзеная падлеткамі, вывучылі ў лабараторыі судэксперты. І прыйшлі да высновы, што наркатычных сродкаў у грыбах не было.
Іншымі словамі, дзяцей «развялі», прадаўшы ім звычайную сушаную атруту. І гэта ўжо не першы выпадак, падкрэсліваюць у Дзяржкамітэце судовых экспертыз, калі моладзь труціцца мухаморамі, спадзеючыся выклікаць галюцынацыі.
Цяпер чытаюць
«Лена 20 рублёў» узялася за старое: знакамітая махлярка зноў разводзіць даверлівых беларусаў9
Каментары
Па-першае, загугліце якая доза мухамора можа быць смяротнай. 25 гр. на траіх нават дзяцей не забілі б.
Па-другое, вельмі смешна пра тое, што "судэксперты прыйшлі да высновы, што наркатычных сродкаў у грыбах не было". Дык мухамор ім прадалі ці не мухамор? Што за "звычайная сушаная атрута"?
https://d2accbiqacj5y8.cloudfront.net/308904"? А калі ўсё ж такі мухамор, то куды падзеліся з яго "наркатычныя сродкі"?:)))
Больш перадрукоўвайце лухты ад Дзяржкамітэта судовых экспертыз.
https://d2accbiqacj5y8.cloudfront.net/308904