Міжнародны кансорцыум «ЕўраБеларусь», Офіс Святланы Ціханоўскай і Беларуская рада культуры прэзентавалі ў Вільні адукацыйны праект «Васьміног: адукацыя для беларускіх дзяцей сёння і заўтра», які адкрывае новыя магчымасці для беларускіх школьнікаў і настаўнікаў як унутры краіны, так і за мяжой. Праект фінансуецца Еўракамісіяй.
Кіраўнік «Васьмінога» Аляксей Канстанцінаў паведаміў, чым ён будзе займацца:
«Будзе створаная лічбавая платформа і серыя анлайн-курсаў, арыентаваных на аўдыторыю ўнутры краіны і па-за межамі. Мы будзем падтрымліваць адукацыйныя ініцыятывы ад удзельнікаў, якія жывуць у Беларусі».
Дарадца Святланы Ціханоўскай па пытаннях адукацыі і навукі Таццяна Шчытцова пракаментавала неабходнасць праекта:
«Галоўныя праблемы школьнай адукацыі — недастатковая ўвага да беларускай мовы і культуры, прасоўванне скажонага ўяўлення пра гісторыю. Праект будзе спрыяць засваенню дзецьмі разнастайных ведаў пра Беларусь, культываваць здольнасці самастойнага мыслення».
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6363
Каментары
Бо, хто дзевачку корміць, тот яе і танцуіць.