Раман Абрамовіч незадоўга да вайны перавёў мільярды даляраў на дзяцей
Буйны расійскі прадпрымальнік Раман Абрамовіч незадоўга да расійскага поўнамаштабнага нападу на Украіну перавёў значную частку сваіх грошай у траставыя фонды ўласных дзяцей, піша The Guardian са спасылкай на дакументы, якія здабылі яго журналісты.
Перадача кантролю над траставымі фондамі была запушчаная ў 2022 годзе, літаральна за тры тыдні да пачатку вайны.
«Аналіз паказвае, што змены ў дакументах зрабілі семярых дзяцей Абрамовіча, малодшаму з якіх дзевяць гадоў, бенефіцыярамі трастаў на суму не менш чым 4 млрд даляраў, хоць агульны кошт можа быць нашмат вышэйшы», — піша выданне.
Урады Вялікабрытаніі і ЕС кваліфікуюць Абрамовіча як пракрамлёўскага алігарха і ў сакавіку 2022 года ўвялі супраць яго санкцыі за тое, што ён нібыта мае выгаду з блізкіх адносін з Пуціным. Сам жа Абрамовіч адмаўляе фінансавыя сувязі з Крамлём і падаў у суд, каб скасаваць меры ЕС.
Таксама ён быў заўважаны ў спробах выступіць як пасярэднік паміж украінскімі і расійскімі ўладамі. Так, з ягоным удзелам адбываўся абмен прарасійскага ўкраінскага палітыка Віктара Медзведчука на палоненых вайскоўцаў палка «Азоў».
Чытайце таксама:
Як насамрэч мянялі Медзведчука і камандзіраў «Азова». Невядомыя падрабязнасці
Кампанія Абрамовіча больш за 10 гадоў забяспечвала армію РФ
Зяленскі прасіў Байдэна не ўводзіць санкцыі супраць Рамана Абрамовіча. Ён можа яшчэ спатрэбіцца
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца3
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары