Raman Abramovič niezadoŭha da vajny pieravioŭ miljardy dalaraŭ na dziaciej
Bujny rasijski pradprymalnik Raman Abramovič niezadoŭha da rasijskaha poŭnamaštabnaha napadu na Ukrainu pieravioŭ značnuju častku svaich hrošaj u trastavyja fondy ŭłasnych dziaciej, piša The Guardian sa spasyłkaj na dakumienty, jakija zdabyli jaho žurnalisty.
Pieradača kantrolu nad trastavymi fondami była zapuščanaja ŭ 2022 hodzie, litaralna za try tydni da pačatku vajny.
«Analiz pakazvaje, što źmieny ŭ dakumientach zrabili siemiarych dziaciej Abramoviča, małodšamu ź jakich dzieviać hadoŭ, bienieficyjarami trastaŭ na sumu nie mienš čym 4 młrd dalaraŭ, choć ahulny košt moža być našmat vyšejšy», — piša vydańnie.
Urady Vialikabrytanii i ES kvalifikujuć Abramoviča jak prakramloŭskaha aliharcha i ŭ sakaviku 2022 hoda ŭviali suprać jaho sankcyi za toje, što jon nibyta maje vyhadu ź blizkich adnosin z Pucinym. Sam ža Abramovič admaŭlaje finansavyja suviazi z Kramlom i padaŭ u sud, kab skasavać miery ES.
Taksama jon byŭ zaŭvažany ŭ sprobach vystupić jak pasiarednik pamiž ukrainskimi i rasijskimi ŭładami. Tak, ź jahonym udziełam adbyvaŭsia abmien prarasijskaha ŭkrainskaha palityka Viktara Miedźviedčuka na pałonienych vajskoŭcaŭ pałka «Azoŭ».
Čytajcie taksama:
Jak nasamreč mianiali Miedźviedčuka i kamandziraŭ «Azova». Nieviadomyja padrabiaznaści
Kampanija Abramoviča bolš za 10 hadoŭ zabiaśpiečvała armiju RF
Zialenski prasiŭ Bajdena nie ŭvodzić sankcyi suprać Ramana Abramoviča. Jon moža jašče spatrebicca
Ciapier čytajuć
Jakija retranślatary na miažy maje na ŭvazie Ukraina?37
Kamientary