Zialenski prasiŭ Bajdena nie ŭvodzić sankcyi suprać Ramana Abramoviča. Jon moža jašče spatrebicca
Pavodle infarmacyi The Wall Street Journal, ZŠA nie stali ŭvodzić sankcyi suprać Ramana Abramoviča na prośbu Uładzimira Zialenskaha. Ličycca, što aliharch moža być važnym pasiarednikam u pieramovach z Rasijaj.
Zialenski nibyta paprasiŭ pra heta prezidenta ZŠA Džo Bajdena padčas telefonnaj razmovy.
Raniej ŚMI paviedamlali, što Abramovič naviedvaŭ Biełaruś, kali tam prachodzili rasijska-ŭkrainskija pieramovy.
Taksama ŭ pačatku sakavika paviedamlałasia, što nadta prosić amierykancaŭ nie karać Abramoviča izrailski muziej Chałakosta «Jad Vašem».
Adpaviedny list nibyta byŭ nakiravany ambasadaru ZŠA ŭ Izraili jašče 6 lutaha, nieŭzabavie paśla taho, jak źjavilisia paviedamleńni, što krainy Zachadu hatovyja ŭvieści piersanalnyja sankcyi suprać bujnych rasijskich biznesmienaŭ u vypadku ŭvarvańnia va Ukrainu.
Aŭtary hetaha lista vysoka acanili ŭkład Abramoviča ŭ dabračynnaść u Izraili i vykazali mierkavańnie, što ŭklučeńnie jaho ŭ sankcyjnyja śpisy «niehatyŭna paŭpłyvaje na Izrail i jaŭrejski śviet».
«Nakolki mnie viadoma, u Abramoviča niama nijakich suviaziaŭ z Pucinym», — prakamientavaŭ list kiraŭnik «Jad Vašem» Dani Dajan.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami7
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4747
Kamientary