Паглядзіце, якую скульптуру зрабіў маладзечанец са снегу да Сусветнага дня скрыпкі ФОТАФАКТ
Яна амаль два метры ў вышыню.
Маладзечанец Іван Карпіцкі ўсцешыў прыхільнікаў сваёй снежнай творчасці чарговай скульптурай, піша «Рэгіянальная газета».
«Хлопчык, які грае на скрыпцы» з'явіўся на тэрыторыі дабрачыннай арганізацыі ў вёсцы Салтанаўка пад Магілёвам. Вышыня снежнага музыканта — 1,80. На працу спатрэбілася два дні.
Як расказаў Іван «Рэгіянальнай газеце», такую скульптуру ён зрабіў да Сусветнага дня скрыпкі, які будуць адзначаць 13 снежня. У 2012 годзе гэты дзень заснаваў прафесійны скрыпач з Ірландыі Кааімхін Мак Аойд. Чаму абралі менавіта дату 13 снежня? Бо ў гэты дзень у 1737 годзе памёр італьянскі майстар скрыпкі Антоніа Страдзівары.
Раней Іван Карпіцкі ўжо рабіў скульптуры «Машы і мядзведзя», а таксама дом са снегу.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары