Набажэнствы для рыма-каталікоў па-беларуску адбываюцца ў беластоцкім касцёле Маці Божай Гвадэлупскай. Яны сталі магчымымі дзякуючы намаганням, просьбам і зваротам у Беластоцкую архідыяцэзію вернікаў рыма-каталіцкага касцёла, якія пераехалі сюды з Беларусі, паведамляе «Радыё Рацыя».
Імшы па-беларуску ў Польшчы ўжо вядуцца ў касцёлах Варшавы, Кракава, Познані, Гданьска, Лодзі.
Цяпер гэта будзе і ў Беластоку ў касцёле Маці Божай Гвадэлупскай па адрасе Уроцлаўская, 8.
Адпраўляць набажэнствы будзе ксёндз Гжэгаж Балеста, які да гэтага 7 гадоў меў служэнне ў Беларусі.
Адна з ініцыятарак правядзення беларускамоўных набажэнстваў для каталікоў Беластока кажа:
«Гэта штосьці дарагое, што нагадвае нам, хто мы, адкуль мы сюды прыехалі, што мы беларусы, што ў нас ёсць свая беларуская мова. І мы вельмі ўдзячныя, што нам дазваляюць маліцца на сваёй роднай мове, хоць мы тут меншасць, але жыхары Польшчы».
-
Насупраць ЗАГСа Савецкага раёна Мінска адкрылася тэматычная зона адпачынку «Шлях да шчасця»
-
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА
-
Расіяніну, які п'яным пабіўся з ахоўнікамі мінскага метро, вынеслі прысуд
Цяпер чытаюць
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары