Гітарысту «Крамбамбулі» і Pomidor/off прысудзілі 3 гады па новай справе
4 жніўня палітвязня ўжо асудзілі да 2 гадоў калоніі за «паклёп» і «абразу прадстаўніка ўлады».
У судзе Фрунзенскага раёна Мінска разгледзелі чарговую крымінальную справу гітарыста «Крамбамбулі» і Pomidor/off Уладзіслава Плюшчава.
Музыку абвінавацілі паводле трох артыкулаў Крымінальнага кодэкса:
- арт. 369 (абраза прадстаўніка ўлады);
- арт. 188 (паклёп);
- ч. 3 арт. 203-1 (незаконныя дзеянні ў дачыненні да інфармацыі аб прыватным жыцьці і персанальных даных).
Суддзя Андрэй Млечка прысудзіў Плюшчаву 3 гады калоніі і 300 базавых велічыняў штрафу з улікам папярэдняга прысуду, паведамляе «Вясна».
4 жніўня палітвязня ўжо асудзілі да 2 гадоў калоніі з канфіскацыяй асабістага аўтамабіля. Яму таксама прызначылі штраф у памеры 6 400 рублёў.
Цяпер чытаюць
«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1
Каментары