Асуджанага да 18 гадоў калоніі палітвязня судзяць зноў: гэтым разам — за падзеі 10-гадовай даўніны
Учора ў судзе Заводскага раёна Мінска пачаўся новы суд над актывістам анархічнага руху, палітвязнем Дзмітрыем Дубоўскім. Справу разглядае суддзя Алег Каляда, піша «Вясна».
Нагадаем, мужчыну ўжо асудзілі да 18 гадоў калоніі ўзмоцненага рэжыму. Але ў верасні 2022 года супраць яго распачалі новую крымінальную справу паводле ч. 2 арт. 339 («Хуліганства») і ч. 2 арт. 218 Крымінальнага кодэкса («Наўмыснае знішчэнне або пашкоджанне чужой маёмасці»).
Падрабязнасці судовага працэсу паведамілі праўладныя тэлеграм-каналы.
Праз іх стала вядома, што цяпер Дзмітрыя абвінавачваюць паводле падзей у Мінску і Салігорску ў 2009 і 2010 гадах. Тады ў Мінску на тэрыторыю Мінабароны закінулі дымавую шашку, пасля чаго на праезнай частцы адбылася акцыя, падчас якой скандзіравалі лозунгі. Таксама Дубоўскага абвінавачваюць у тым, што ён закінуў у акно апорнага пункта ў Салігорску факел, разбіў кавалкам тратуарнай пліткі шкло у Доме прафсаюзаў і прыняў удзел у падпале філіалаў банка ў Мінску. Таксама яго абвінавачваюць у падзеях у верасні 2010 года, калі былі падпаленыя дзверы КПП на Акрэсціна.
Згодна з інфармацыяй праўладных каналаў, у гэтым таксама ўдзельнічалі іншыя палітвязні: Ігар Аліневіч, Мікалай Дзядок, Аляксандр Францкевіч, а таксама Сілівончык і Веткін.
На пытанне, ці з’яўляецца Дубоўскі грамадзянінам Беларусі, ён адказаў, што ён «так званы грамадзянін», бо каля дзесяці гадоў не меў дачынення да дзяржавы. Палітвязень не прызнаў віну і пацвердзіў свой удзел толькі ў падзеях у Салігорску. Аднак ён падкрэсліў, што не лічыць свае дзеянні злачыннымі і не згодны з іх кваліфікацыяй. Ён патлумачыў свае дзеянні «крайняй неабходнасцю».
-
Блогер «Жыве», якога вызвалілі ў Беларусі праз літоўскае грамадзянства: Я пабачыў пісталет, накіраваны на мяне, і на дыскусіі ўжо не было часу
-
Школу для дзяцей з псіхічнымі асаблівасцямі ў Мінску пераробяць у кадэцкае вучылішча. Да рэалізацыі ішлі 18 гадоў
-
«Я адразу закахалася ў ягоныя вочы». Жонка-украінка і сябар расказваюць пра загінулага беларускага добраахвотніка Васіля «Дзіра» Рапіцкага
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары