Прэзідэнт Украіны Уладзімір Зяленскі адразу пасля заканчэння цырымоніі ў Крамлі, дзе прэзідэнт Расіі Уладзімір Пуцін правёў працэдуру анексіі акупаваных украінскіх тэрыторый, выступіў з відэазваротам, дзе зрабіў важныя заявы.
«Дэ факта мы ўжо прайшлі свой шлях у НАТА.
Дэ факта мы ўжо даказалі сумяшчальнасць са стандартамі Альянсу. Яны рэальныя для Украіны — рэальныя на полі бою і ва ўсіх аспектах нашага ўзаемадзеяння. Мы давяраем адзін аднаму, мы дапамагаем адзін аднаму, і мы абараняем адзін аднаго. Гэта і ёсць Альянс. Дэ факта.
Сёння Украіна падае заяўку, каб зрабіць гэта дэ юрэ.
Паводле працэдуры, якая будзе адпавядаць нашаму значэнню для абароны ўсёй нашай супольнасці. У паскораным парадку. Мы робім свой вызначальны крок, падпісваючы заяўку Украіны на ўступленне ў паскораным парадку ў НАТА», — заявіў Зяленскі.
Ён спаслаўся на прэцэдэнты Фінляндыі і Швецыі, якія падалі заяўкі ў Альянс без плана дзеянняў. Украіна, паводле яго, разумее, што патрэбны час для дасягнення кансэнсусу паміж усімі ўдзельнікамі НАТА, таму Зяленскі прапанаваў рэалізаваць прапановы па гарантыях бяспекі для Украіны і ўсёй Еўропы паводле кіеўскай дамовы аб бяспецы.
Акрамя таго, Зяленскі адзначыў, што ніякіх перамоваў з расійскім кіраўніцтвам Украіна весці не будзе, пакуль прэзідэнтам Расіі з'яўляецца Пуцін. Перамовы будуць весціся толькі з новым кіраўніком гэтай краіны.
Таксама стала вядома, што генеральны сакратар НАТА Енс Столтэнберг і генеральны сакратар ААН Антоніу Гутэрыш сёння ўвечары збіраюцца выступіць з нейкімі беспрэцэдэнтнымі заявамі.
Чытайце таксама:
На цырымоніі анексіі Пуцін выступіў з высакапарнай, але неканкрэтнай прамовай. Будзе курс на процістаянне з Захадам, але чырвоныя лініі не вызначаныя
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары