У Расонскім раёне знайшлі цела жанчыны, якая прапала два гады таму
У канцы жніўня мужчына, які жыве за мяжой, даслаў у беларускую міліцыю ліст з просьбай дапамагчы знайсці ягоную сястру, якая жыве ў Расонскім раёне Віцебскай вобласці, бо ўжо два гады ён не можа з ёй звязацца. У выніку высветлілася, што жанчына была забітая і закапаная ў двары свайго дома, паведамляе прэс-служба Следчага камітэта.
Міліцыянты падчас праверкі знайшлі яе дом і чалавека, з якім яна жыла раней. 50-гадовы мужчына сказаў, што сужыцелька памерла яшчэ ў 2020 годзе, а ён знайшоў яе мёртвай і пахаваў у двары.
Следча-аператыўная група эксгумавала парэшткі 55-гадовай жанчыны. Быў праведзены допыт яе былога сужыцеля, які раней быў судзімы за катаванне, прычыненне менш цяжкіх цялесных пашкоджанняў і ўхіленне ад пакарання («хіміі»).
Падчас допыту ён прызнаўся, што жанчына памерла не сама — два гады таму падчас сваркі ён ударыў яе, а калі зразумеў, што яна памерла, то, спалохаўшыся турмы, закапаў цела ў двары і нікому пра гэта не казаў.
У дачыненні да мужчыны распачалі крымінальную справу аб забойстве па ч. 1 арт. 139 КК. Цяпер ён затрыманы, вядуцца следчыя дзеянні.
Цяпер чытаюць
Cцяпан Латыпаў трэці раз спрабаваў здзейсніць суіцыд у турме4
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары