ЕС збіраецца узмацніць міжнародны ціск на Расію пасля ўдараў «Арэшнікам»
«Расія зайшла ў тупік на полі бою, таму тэрарызуе Украіну наўмыснымі ўдарамі па цэнтрах гарадоў».
Кіраўніца еўрапейскай дыпламатыі Кая Калас рэзка адрэагавала на чарговы масіраваны ўдар Расіі па гарадах Украіны, уключаючы прымяненне балістычнай ракеты сярэдняй далёкасці «Арэшнік». Пра гэта яна напісала ў сацыяльнай сетцы X.
Паводле слоў Калас, Масква пайшла на гэты крок з-за няўдач на фронце:
«Расія зайшла ў тупік на полі бою, таму тэрарызуе Украіну наўмыснымі ўдарамі па цэнтрах гарадоў».
Палітык падкрэсліла, што такія атакі накіраваны менавіта супраць мірнага насельніцтва, і назвала іх «агіднымі актамі тэрору, закліканымі знішчыць як мага больш мірных жыхароў».
Асобную ўвагу Кая Калас звярнула на выкарыстанне расійскімі войскамі найноўшага ракетнага комплексу:
«Паведамленні аб выкарыстанні Масквой балістычных ракет сярэдняй далёкасці «Арэшнік» — сістэм, прызначаных для пераносу ядзерных боегаловак, — гэта тактыка палітычнага запалохвання і неразважлівае ядзернае балансаванне на мяжы».
Кіраўніца дыпламатыі ЕС таксама анансавала сур'ёзны адказ з боку еўрапейскіх краін. Яна паведаміла, што на наступным тыдні міністры замежных спраў краін Еўрасаюза збяруцца разам, каб абмеркаваць, «як узмацніць міжнародны ціск на Расію».
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары
Не Берлін жа бамбяць, не Парыж, нават не Варшаву.