Расія страціла на вайне ва Украіне больш за 23 тысячы адзінак тэхнікі
Гэтыя кансерватыўныя падлікі OSINT-праекта Oryx, які фіксуе толькі візуальна даказаныя страты, разбураюць міф пра «другую армію свету».
Праект Oryx працягвае весці падрабязны ўлік расійскіх страт, абапіраючыся выключна на фота– і відэадоказы, што робіць іх статыстыку адной з самых надзейных у адкрытых крыніцах. Як паведамляе выданне The Insider, якое прааналізавала апошнія даныя, агульныя пацверджаныя страты Расіі ўжо перавысілі 23 тысячы адзінак рознай тэхнікі.
Найбольшыя страты прыпалі на бранятанкавыя войскі, якія незваротна страцілі 4390 танкаў і 6429 баявых машын пяхоты. Да гэтага спіса варта дадаць 730 бронетранспарцёраў і амаль 2400 іншых разнастайных баявых браніраваных машын.
Не менш адчувальныя страты панесены і ў іншых родах войскаў. Сістэма супрацьпаветранай абароны страціла 416 комплексаў, а выведка — 130 радыёлакацыйных станцый. У паветры расійская армія страціла 184 самалёты і 175 верталётаў. Нават ваенна-марскі флот, які тэарэтычна не павінен быў сутыкацца з сур'ёзным супрацівам на моры, незваротна страціў 33 караблі і падводныя лодкі.
Аўтары праекта заўсёды падкрэсліваюць, што іх спіс — гэта толькі самая кансерватыўная ацэнка рэальнага стану рэчаў, бо ў яго не трапляе тэхніка без візуальнага пацверджання. Кожны запіс старанна правяраецца на прадмет дублявання, а для кожнай адзінкі тэхнікі пазначаеццм яе дакладны статус: знішчана, пашкоджана, кінута ці захоплена.
Маштаб расійскіх страт аказаўся настолькі вялікім, што сутыкнуўся з нечаканымі тэхнічнымі абмежаваннямі. Як паведаміў адзін з аўтараў праекта Якуб Яноўскі, агульны спіс дасягнуў максімальнага памеру артыкула, які дазваляе публікаваць платформа Blogger. Каб часова вырашыць праблему, даследчыкам давялося скарачаць метаданыя гіперспасылак на доказы.
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары