Раман Бахарэвіча «Сарока на шыбеніцы» трапіў у шорт-ліст прэстыжнай польскай прэміі
У чэрвені журы Angelus абрала 14 кніг са 100 у доўгі спіс, там быў і раман Андрэя Адамовіча «Песня пра Цімура». Кароткі спіс прэміі Angelus — гэта 7 кніг, у якіх, на думку журы, спалучаюцца «шырока асэнсаваная цэнтральнаеўрапейскасць, перапрацоўка траўм, характэрных для нашага рэгіёна, а таксама нацыянальна-культурная невідавочнасць», паведамляе «Беларуская рада культуры».
Раней намінантамі на цэнтральнаеўрапейскую літаратурную прэмію былі беларусы Ігар Бабкоў (у 2009 годзе) і Уладзімір Някляеў (у 2016-м). А ў 2011-м годзе Святлана Алексіевіч стала пераможцай прэміі з кнігай «У вайны не жаночае аблічча».
Angelus з’яўляецца самай высокааплатнай літаратурнай прэміяй у Польшчы — аўтар узнагароднай кнігі атрымае 150 тысяч злотых (каля 30 тысяч даляраў).
Пераможца гэтага года будзе абвешчаны 15 кастрычніка ва Уроцлаве.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве44
Каментары