Хрэнін патлумачыў падтрымку Беларуссю ваеннай агрэсіі Расіі супраць Украіны
Міністр абароны Беларусі Віктар Хрэнін, выступаючы на X Маскоўскай канферэнцыі па міжнароднай бяспецы, патлумачыў падтрымку афіцыйным Мінскам расійскай агрэсіі супраць Украіны. Паводле яго, яе прычынай стала «прэвентыўная рэакцыя на ваенную пагрозу супраць Беларусі».
Фота: Мінабароны РБ
Паводле Хрэніна, «у гарніле» ўкраінскага ваеннага канфлікту працягваюць «каваць» сілы для вайны супраць Беларусі».
Прыкладам гэтаму ён прывёў «фармаванне і падрыхтоўку фармаванняў нацыяналістычнага толку, тыпу Палка Каліноўскага і яму падобных».
«Іх далейшым прызначэннем можа быць развязванне грамадзянскай вайны ўжо на тэрыторыі Рэспублікі Беларусь. Падобныя дзеянні з'яўляюцца для нас ваеннай пагрозай і будуць лакалізавацца ўсімі наяўнымі сіламі і сродкамі», — сказаў Хрэнін.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары