Крымінальную справу разглядае Мінскі абласны суд на выязным закрытым пасяджэнні ў памяшканні Мінскага раённага суда.
Галоўную рэдактарку і дырэктарку БелаПАН Ірыну Леўшыну і яе папярэдніка на пасадзе дырэктара Дзмітрыя Наважылава затрымалі 18 жніўня 2021 года, а Андрэя Аляксандрава, які займаў пасаду намесніка дырэктара БелаПАН у 2014—2018 гадах, і яго дзяўчыну Ірыну Злобіну затрымалі 12 студзеня 2021 года.
Ім выстаўленыя абвінавачванні па наступных артыкулах:
— Андрэя Аляксандрава і Ірыну Злобіну абвінавачваюць паводле ч. 2 арт. 342 КК у падрыхтоўцы «не менш за 260 асоб для ўдзелу ў групавых дзеяннях, якія груба парушаюць грамадскі парадак» з 14 жніўня 2020 года да 12 студзеня 2021 года. Так трактуецца аплата адміністрацыйных штрафаў, рахункаў за паслугі адвакатаў, аплата харчавання за час знаходжання людзей «на сутках»;
— іх таксама абвінавачваюць па ч. 1 арт. 356 КК у дапамозе ByHelp і яе прадстаўнікам у дзейнасці, «накіраванай на прычыненне шкоды нацыянальнай бяспецы Рэспублікі Беларусь»;
Андрэя Аляксандрава, Дзмітрыя Наважылава і Ірыну Леўшыну абвінавачваюць у стварэнні экстрэмісцкага фармавання з ліку работнікаў ЗАТ «БелаПАН» і іншых асоб, а таксама кіраванне такім фармаваннем паводле ч. 1 арт. 361-1 КК. Інфармацыйная кампанія БелаПАН была прызнаная экстрэмісцкім фармаваннем 12 лістапада 2021 года.
Андрэя Аляксандрава і Дзмітрыя Наважылава — ва ўхіленні ад выплаты інфармацыйным агенцтвам падаткаў паводле ч. 2 арт. 243 КК РБ. Шкода ацененая ў 450 тысяч рублёў.
У СК агучылі прэтэнзіі да затрыманых па справе БелаПАН
Цяпер чытаюць
Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі46
Каментары