Прэм’ер-міністр Вялікабрытаніі даў інтэрв’ю Bloomberg, у якім сказаў, што Украіне трэба больш наступальнага ўзбраення, у прыватнасці, дальнабойных сістэм залпавага агню, якія краіны Захаду пакуль не перадавалі.
Таксама брытанскі прэм'ер пракаментаваў магчымасць перамоваў з прэзідэнтам Расіі:
«Як можна весці перамовы з кракадзілам, калі ён есць тваю левую нагу. Гэта тое самае, што робіць Пуцін. Ён спрабуе замарозіць канфлікт, ён яшчэ спрабуе заклікаць да прыпынення агню…
Вядома: мы павінны спыніць вайну, свет адчайна патрабуе гэтага. Але адзіны спосаб скончыць яе — калі Пуцін прызнае, што вось гэтая яго «дэнацыфікацыя» адбылася. І ён зможа выйсці з канфлікту з гонарам і годнасцю».
Джонсан падтрымаў ідэю аб тэрміновай перадачы Украіне амерыканскіх рэактыўных сістэм залпавага агню. Ён заявіў, што войскі Пуціна «працягваюць адгрызаць тэрыторыю» на Данбасе і маюць у гэтым «павольны, але, баюся, адчувальны прагрэс».
«Таму абсалютна неабходна, каб мы працягвалі падтрымліваць украінцаў у вайсковым дачыненні. Я думаю, вельмі і вельмі важна, каб нас не заспакойваў неверагодны гераізм украінцаў, якія адцяснілі рускіх ад варотаў Кіева», — падкрэсліў Джонсан.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ3030
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ30
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары