Першы абвінавачаны ў забойствах у Бучы беларус? Можа быць памылка: гэты чалавек двойчы судзімы
Бучанская акруговая пракуратура абвясціла падазрэнне расійскаму вайскоўцу, ураджэнцу Беларусі Сяргею Калацэю. Па звестках следства, ён расстраляў, сама меней, чатырох цывільных у Бучы. Асноўны аргумент абвінавачвання — сведкі апазналі Калацэя на тым векапомным відэа, дзе расійскія марадзёры з Мазыра адпраўляюць дадому накрадзенае пад Кіевам. Але гэта можа быць памылка.
Сам Калацэй абвінавачванні адмаўляе і сцвярджае журналістам, што безадносна расійскіх вайскоўцаў пасылаў пасылку ў Расію — а з кампаніяй у зялёным супаў у часе.
Ён, сапраўды, не апрануты ў камуфляж.
Сваю службу ў «Расгвардыі» ён адмаўляе. У вайберы Сяргей карыстаецца беларускім нумарам.
На карысць алібі Калацэя сведчаць некалькі фактаў з яго біяграфіі. Як паведамілі «Нашай Ніве» знаёмыя Сяргея, хлопец двойчы судзімы — за ўхіленне ад службы ў войску і за бойку з патрульнымі.
«Ён атрымаў 4 гады калоніі па 363-м артыкуле, калі накінуўся ў клубе «Лагуна» на нарад міліцыі, які прыехаў ахалоджваць пыл гарачай кампаніі», — расказалі нам.
З «Нашай Нівай» Калацэй гаварыць адмовіўся, сказаўшы, што не туды звонім. Сястра Калацэя працуе ў мазырскай міліцыі і таксама гаварыць не стала.
Чытайце таксама: Першы падазраваны з Бучы — грамадзянін Беларусі?
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары