Уладальніца нязломных украінскіх шафкі і пеўніка ўсё страціла, але засталася жывая
Падвясная кухонная шафка, якая засталася цэлай у цалкам разбураным доме ў падкіеўскай Барадзянцы, стала сімвалам мужнасці і нязломнасці ўкраінцаў. Яе фота выклікала немалы рэзананс. А пазней людзі заўважылі на шафе ацалелага керамічнага пеўніка — выраб Васількоўскага маёлікавага завода. І паліца, і пеўнік сталі сімваламі ўкраінскага змагання. А цяпер журналісты знайшлі і іх гаспадыню.
Гаспадыня кватэры, у якой ацалела шафа з посудам і васількоўскім керамічным пеўнікам, жывая. Жанчыне ўдалося з'ехаць з ахопленага вайной горада і перасяліцца на захад Украіны, расказалі ў сюжэце ўкраінскага нацыянальнага тэлемарафона.
На дом, у якім размяшчалася кватэра з шафай, расійскія акупанты скінулі дзве авіябомбы. Ратавальнікі скончылі разбіраць завалы пад ім, аднак людзей не знайшлі. Адшукаць уладальніцу кватэры дапамог сусед Віталь. Жанчыне ўдалося выехаць на захад Украіны ў першыя дні вайны.
У дом у Барадзянцы яны засяліліся, як толькі яго пабудавалі — у 1985 годзе. Аднак неўзабаве муж жанчыны загінуў падчас ліквідацыі аварыі на Чарнобыльскай атамнай станцыі. А потым памёр і старэйшы сын. Надзея Дзмітрыеўна засталася жыць з малодшым сынам, які, уласна кажучы, і прыбіў знакамітую шафу. На жаль, два гады таму ён таксама памёр.
У другі дзень вайны, 25 лютага Надзея Дзмітрыеўна апошні раз зварыла суп, сышла з дому і больш не вярнулася. Яна хавалася ў падвале суседняй шматпавярхоўкі, а потым ёй удалося эвакуявацца.
«Са склепа выйшла ў адных чаравіках, шкарпэтках, у гэтай куртцы, што цяпер на мне, і хустцы. Нічога не ўзяла», — кажа жанчына. Больш за ўсё Надзея Дзмітрыеўна шкадуе, што ў яе не засталося ніводнай фатаграфіі дзяцей.
Чытайце таксама:
Што за фігуркі трымалі Зяленскі і Джонсан падчас прыезду брытанскага прэм'ера ў Кіеў? Гэта новы ўкраінскі сімвал
Шафкі, якія захаваліся ў разбураным доме ў Барадзянцы, узарвалі інтэрнэт
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ3131
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ31
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары