Ва ўрадзе Брытаніі думаюць над прадастаўленнем Украіне наступальнага ўзбраення, улічваючы неабходнасць выганяць расійскія войскі з акупаваных тэрыторый.

Пра гэта паведамляе The Times са спасылкай на свае крыніцы ва ўрадзе, піша «Еўрапейская праўда».
Па іх словах, прэм'ер Борыс Джонсан на пасяджэнні ўрада 29 сакавіка сказаў, што хоча аказаць Украіне «больш смяротную» ваенную дапамогу, і дадаў, што прэзідэнт РФ Уладзімір Пуцін напэўна паспрабуе прычыніць Украіне яшчэ больш болю.
Адмірал сэр Тоні Рэдэкін, начальнік штаба абароны, на брыфінгу для міністраў сказаў, што вайна ва Украіне пераходзіць да «больш традыцыйнай», і Украіна ад спроб спыніць наступ пераходзіць да ўтрымання пазіцый і адваёўвання тэрыторый.
Ён сказаў, што Брытанія таксама павінна перайсці да «новага этапу» падтрымкі Украіны, і ва ўрадзе разважаюць, якую дапамогу можна было б аказаць.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі
Каментары