Усяго патроху

«Любімая жонка шалёнага дыктатара». Кабаеву просяць дэпартаваць са Швейцарыі. Але ці там яна, невядома

Петыцыя з заклікам выслаць са Швейцарыі знакамітую гімнастку Аліну Кабаеву набрала ўжо больш за 67 тысяч подпісаў.

Фота: AP

Ужо шмат гадоў існуюць чуткі пра таемны раман Уладзіміра Пуціна і былой славутай гімнасткі Аліны Кабаевай. Кажуць нават, што ў пары чацвёра дзяцей: 7-гадовыя дачкі-блізняты, што нарадзіліся ў Швейцарыі ў 2015 годзе, і двое сыноў. Афіцыйных пацверджанняў гэтаму няма.

У пачатку сакавіка з’явілася інфармацыя пра тое, што Кабаева і яе меркаваныя агульныя з Пуціным дзеці зараз жывуць у Швейцарыі, у «вельмі бяспечным» доме.

Інтэрнэт не пакінуў гэта без увагі: на рэсурсе change.org выйшла петыцыя з патрабаваннем дэпартаваць Кабаеву з Швейцарыі. Зварот мае ўжо больш за 67 тысяч подпісаў.

У петыцыі, напісанай на англійскай, французскай і нямецкай мовах, 38-гадовую былую гімнастку называюць «любімай жонкай шалёнага дыктатара». Аўтары петыцыі параўноўваюць кіраўніка Расіі з Гітлерам і пішуць, што «час уз’яднаць Еву Браун з яе фюрэрам».

Анлайн-петыцыя, хутчэй за ўсё, юрыдычна не паўплывае на магчымасць дэпартацыі Кабаевай. Больш цікава, ці знаходзіцца насамрэч былая гімнастка ў Швейцарыі. Мясцовая паліцыя сцвярджае, што няма ніякіх доказаў прысутнасці Кабаевай у гэтай краіне.

Калі гімнастка ўсё-ткі знаходзіцца ў Швейцарыі, яна можа быць дэпартаваная, калі будзе прызнана, што яна знаходзіцца ў краіне незаконна, нясе пагрозу бяспецы або здзейсніла крымінальнае злачынства.

Шмат што будзе залежаць ад грамадзянства Кабаевай. Па некаторых крыніцах, яна мае швейцарскі пашпарт. Швейцарыя сапраўды можа высылаць уласных грамадзян, але на практыцы робіць гэта рэдка.

Тым часам за апошнія суткі з’явілася яшчэ адна петыцыя, прысвечаная Аліне Кабаевай. Аўтары новага звароту прапануюць забраць у яе ўсе алімпійскія медалі і тытулы за яе меркаваную ролю ў падтрымцы Пуціна. Размова ідзе пра бронзу Алімпіяды-2000 і золата Гульняў 2004 года.

 «Ён што, тую бомбу на ровары вязе?» Вялікая падборка мемаў і тыктокаў пра вайну ва Украіне

Спявачка Вера Брэжнева з'ехала з Расіі і дапамагае ўкраінскім бежанцам у Польшчы

Каментары

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны23

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць16

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай31

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны23

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць