Паводле фармулёўкі ВЦИОМ, вайну ў Украіне 68% расіян «хутчэй падтрымліваюць», у той час як не падтрымлівае кожны пяты апытаны (22%), а кожны дзясяты грамадзянін не змог адказаць (10%).
Паводле ВЦИОМ, на думку чвэрці грамадзян (26%), спецыяльная вайсковая аперацыя ва Украіне мае за мэту абараніць рускамоўнае насельніцтва «ДНР» і «ЛНР», кожны пяты паведаміў, што мэта аперацыі — не даць размясціць вайсковыя базы НАТА на тэрыторыі Украіны (20%). Такая ж доля апытаных нібыта мяркуе, што аперацыя праводзіцца для таго, каб правесці ва Украіне дэмілітарызацыю (20%). 7% адказалі, што Расія мае на мэце правесці дэнацыфікацыю Украіны і змяніць яе палітычны курс, 6% — змяніць непрыязны да Расіі палітычны рэжым, 4% — падзяліць Украіну на часткі і ўсталяваць свой уплыў на частцы Украіны.
Як ставіцца да гэтых лічбаў? Як і да любых іншых, якія даюць сёння расійскія дзяржаўныя ці калядзяржаўныя СМІ ці ўстановы.
Наўрад ці ў сённяшняй Расіі дзяржаўная структура хоча і можа праводзіць аб'ектыўнае сацыялагічнае даследаванне на тэму, надзвычай важную для рэжыму. Гэта куды больш прапаганда, чым навука.
Але адна лічба ўсё ж цікавая. Нават па звестках заангажаванай дзяржаўнай канторы ўсяго толькі 7% расіян вераць у тое, што Украіне патрэбна «дэнацыфікацыя». Між тым як тое, што ў Украіне акапаліся нацысты, якіх трэба ўпыніць — адзін з афіцыйных тэзісаў расійскай улады, якім яны аргументавалі неабходнасць уварвання. Ды нават сёння патрабаванне «дэнацыфікацыі» кожны дзень гучыць у афіцыйнай рыторыцы расійскіх уладаў, у тым ліку падчас падрыхтоўкі перамоў на расійска-беларускай мяжы.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый20
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары