Свет

Зяленскі запатрабаваў выканаць Будапешцкі мемарандум, інакш Украіна з яго выйдзе

Выступаючы на Мюнхенскай канферэнцыі па бяспецы, прэзідэнт Украіны Уладзімір Зяленскі абвясціў, што ініцыюе перамовы паміж удзельнікамі Будапешцкага мемарандуму аб прадастаўленні Украіне гарантый бяспекі. 

Фота: president.gov.ua

«За адмову ад трэцяга ў свеце ядзернага патэнцыялу Украіна атрымала гарантыі бяспекі. У нас няма гэтай зброі, у нас таксама няма бяспекі. Няма часткі нашай дзяржавы, дарэчы, большай за Швейцарыю, Нідэрланды ці Бельгію, а галоўнае, няма мільёнаў нашых грамадзян, якія зʼяўляюцца грамадзянамі Украіны.

Значыць, нешта ёсць. Ёсць права! Права патрабаваць пераходу ад палітыкі замірэння да бяспекі і міру.

З 2014 года Украіна тройчы спрабавала склікаць кансультацыі з дзяржавамі ‒ гарантамі Будапешцкага мемарандуму. Тройчы, і безвынікова. Сёння Украіна зробіць гэта ў чацвёрты раз.

Я ініцыюю кансультацыі ў рамках Будапешцкага мемарандуму.

Міністру замежных спраў даручана іх склікаць, і калі яны не адбудуцца паўторна, або калі не будзе гарантый бяспекі нашай краіне, Украіна будзе мець поўнае права меркаваць, што Будапешцкі мемарандум не працуе, і ўсе пакетныя рашэнні 1994 года пастаўленыя пад сумнеў», — сказаў Зяленскі.

Прэзідэнт патрабаваў даць Украіне перспектыву ўступлення ў ЕС і NATO.

«Каб рэальна дапамагчы Украіне, не трэба ўвесь час гаварыць пра даты магчымага ўварвання. Мы будзем абараняць сваю зямлю 16 лютага, 1 сакавіка і 31 снежня. Нам патрэбныя іншыя даты значна больш», — сказаў ён.

Зяленскі чакае ад Захаду рашэнняў, якія наблізяць Украіну да даты ўступлення ў Еўрасаюз і NATO.

«Восем гадоў таму ўкраінцы зрабілі свой выбар, многія аддалі за гэта жыццё. Няўжо праз восем гадоў Украіна павінна пастаянна заклікаць да прызнання еўрапейскай перспектывы?» — задаў ён пытанне.

Зяленскі нагадаў, што Расійская Федэрацыя спрабуе спыніць рух Украіны ў ЕС сваёй агрэсіяй, і саступкі ёй недапушчальныя.

«З 2014 года Расія пераконвае нас, што мы выбралі няправільны шлях, што нас у Еўропе ніхто не чакае. Ці не павінна Еўропа пастаянна гаварыць і даказваць дзеяннямі, што гэта няпраўда? Чаму мы пазбягаем гэтага пытання? Хіба Украіна не заслугоўвае прамых і сумленных адказаў?» — сказаў ён.

Падрыхтоўка да нападу на Украіну. Што адбываецца 19 лютага. Анлайн

Крылатыя ракеты з «Іскандэраў». Вось чаму Украіна не вытрымала б поўнамаштабнай вайны з Расіяй і Беларуссю

Каментары

Цяпер чытаюць

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі13

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі

Усе навіны →
Усе навіны

У чэрвені па ўсёй Беларусі будуць ладзіцца бясплатныя экскурсіі3

Улады рыхтуюцца нацыяналізаваць аўтамабільны завод «Юнісон»

Буры адказаў Азараву пра агента Мішчука: Ён ніколі не працаваў у АВВА і ні да якой сакрэтнай інфармацыі доступу не меў6

Ціханоўская падтрымала пазіцыю Зяленскага аб немагчымасці правядзення перамоў у Мінску10

У Літве высветлілі, што дапамогу, прызначаную бежанцам з Украіны, атрымлівалі і людзі з іншых краін. Сярод іх ёсць і беларусы1

Маці траіх дзяцей просіць Лукашэнку вярнуць іх з прытулку. Чыноўнікі патлумачылі, чаму ў яе не атрымалася

Іспанія дамагаецца прызнання каталонскай мовы ў ЕС: Брусэль тармозіць працэс

Журналісты атрымалі доступ да сакрэтных планаў расійскіх ядзерных вайсковых баз3

Трамп прапанаваў Канадзе доступ да абароны пад «Залатым купалам». Пры адной умове5

больш чытаных навін
больш лайканых навін

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі13

Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі

Галоўнае
Усе навіны →

Заўвага:

 

 

 

 

Закрыць Паведаміць