Беларус у Польшчы спрабаваў стаць агентам КДБ. Ён гатовы быў рабіць дыверсіі ў Еўропе і даносіць на беларусаў замежжа
Грамадзянін Беларусі Арцём К. у снежні 2024 года спрабаваў прапанаваць супрацоўніцтва КДБ. Пра гэта стала вядома польскім спецслужбам, і мужчыну затрымалі. Цяпер яму пагражае ад 6 месяцаў да 8 гадоў турмы, паведамляе «Мост».
Паводле польскай пракуратуры, Арцём К. абвінавачваецца ў тым, што з 8 па 12 снежня 2024 года, знаходзячыся ў Варшаве, выказваў гатоўнасць дзейнічаць у інтарэсах замежнай разведкі.
Ён быў гатовы выконваць дыверсійную і разведвальную працу ў Польшчы і іншых краінах ЕС. Сярод іншага, абвінавачаны выказаў жаданне перадаваць у КДБ інфармацыю пра крытычную інфраструктуру ў Польшчы і пра грамадзян Беларусі, якія знаходзяцца ў краіне.
Варта адзначыць, што Арцёму К. інкрымінуюць арт. 13 § 2 у сувязі з арт. 130 § 3 Крымінальнага кодэкса Польшчы — няўдалы замах на здзяйсненне злачынства, якім з’яўляецца выказванне гатоўнасці дзейнічаць у інтарэсах замежнай разведкі. Гэта значыць, ён спрабаваў прапанаваць КДБ сваё супрацоўніцтва, але не змог гэтага зрабіць. Пра гэтую спробу даведаліся польскія спецслужбы.
19 снежня 2024 года супрацоўнікі Агенцтва ўнутранай бяспекі затрымалі Арцёма К. У той жа дзень няўдаламу агенту выставілі абвінавачанне. Мужчына не прызнаў віны.
У чэрвені справа была перададзена ў Акружны суд у Беластоку. Арцём К. пагражае ад 6 месяцаў да 8 гадоў пазбаўлення волі.
Цяпер чытаюць
«Не выпускае Літва». Чаму перавозчыкі масава адмянілі аўтобусы паміж Мінскам і Вільняй?2
Каментары