244 беларусы не могуць звольніцца з расійскай арміі, нягледзячы на заканчэнне іх кантрактаў з Мінабароны Расіі
Не могуць звольніцца са службы не толькі беларусы.
244 грамадзяніны Беларусі не могуць звольніцца з расійскай арміі, нягледзячы на тое, што іх кантракты з Міністэрствам абароны Расійскай Федэрацыі скончыліся, расказалі ва ўкраінскім праекце «Хачу жыць».
«Мы дакладна не ведаем лёс кожнага з тых, хто знаходзіцца ў спісах — вельмі часта пра іх месцазнаходжанне нічога не ведае і Мінабароны РФ. Што мы ведаем дакладна — дык гэта тое, што чакае ўсіх гэтых людзей у будучыні. Шматлікія замежныя найміты, што свядома заключылі кантракт з Узброенымі сіламі РФ, былі ўпэўненыя, што падпісваюць тэрміновыя кантракты на адзін год. Але гэта не так. Як і ў выпадку з звычайнымі кантрактнікамі або мабілізаванымі ва УС РФ, камандзіры могуць падаўжаць іх кантракты да заканчэння баявых дзеянняў. І яны паспяхова гэта робяць», — кажуць у «Хачу жыць».
Паводле інфармацыі праекта, у РФ служаць больш за 3000 наёмнікаў з 86 краін, у тым 426 грамадзян Узбекістана, 380 грамадзян Шры-Ланкі, 367 Таджыкістана, 262 Кубы, 241 грамадзянін Казахстана, 164 грамадзяніны Непала.
Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»12
Каментары