«Непрыгожа, непрыстойна, некарэктна». У «Белаэранавігацыі» пракаментавалі абвінавачванне ў авіяпірацтве
«Белаэранавігацыя» разглядае абвінавачванне амерыканскіх пракурораў у паветраным пірацтве, высунутае супраць кіраўнікоў прадпрыемства, як інструмент ціску перад будучым пасяджэннем ICAO, на якім будзе разглядацца даклад пра інцыдэнт з рэйсам Ryanair Афіны — Вільня. Яно павінна адбыцца ў канцы студзеня.
«Па тых публікацыях, якія я прачытаў, я пакуль не разумею, наколькі гэта ўсё афіцыйна, рэальна, можа, чыстай вады ціск ці правакацыя. Ніхто мяне афіцыйна не інфармаваў. Калі б з раніцы не паглядзеў навіны, можа, пра гэта і не ведаў бы», — сказаў РІА «Навіны» намеснік гендырэктара «Белаэранавігацыі» Алег Казючыц.
Ён таксама назваў абвінавачванні поўнай лухтой. Па яго словах, іх вылучэнне — гэта «непрыгожа, непрыстойна, некарэктна, пераходзіць рамкі здаровага сэнсу».
Учора ў ЗША было накіраванае ў суд абвінаваўчае заключэнне пракурораў Манхэтэна ў дачыненні да чатырох службовых асоб Беларусі. Яны абвінавачваюцца ў змове з мэтай здзяйснення авіяцыйнага пірацтва. Сярод абвінавачаных называюцца гендырэктар «Белаэранавігацыя» Леанід Чуро, яго намеснік Алег Казючыц і два супрацоўнікі службы бяспекі, аднаго з якіх завуць Андрэй Анатолевіч.
«Інсцэніравалі пагрозу выбуху, каб арыштаваць журналіста-дысідэнта». ЗША расказалі новыя падрабязнасці інцыдэнту з Ryanair
У ЗША чатырох беларускіх афіцыйных асоб абвінавацілі ў авіяпірацтве
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця7
Каментары