Субота была няпростай для літоўскіх памежнікаў. Такой колькасці мігрантаў не было з пачатку жніўня, калі супрацоўнікам Службы аховы дзяржаўнай мяжы было дадзена права не прапускаць мігрантаў у Літву ў неналежных месцах, піша Delfi.
За суткі, з суботы да нядзелі, памежнікі не ўпусцілі з Беларусі 183 мігрантаў. Зафіксаваная за суткі колькасць мігрантаў —183 — з'яўляецца адным з самых высокіх паказчыкаў сёлета з 2 жніўня, калі памежнікі могуць на законных падставах не ўпускаць мігрантаў з Беларусі.
76 замежнікаў не пусцілі ў пятніцу, 57 — у чацвер, 79 — у сераду, 55 — у аўторак, 149 — у панядзелак, 49— у нядзелю.
Паток мігрантаў, якія спрабуюць трапіць у Літву з Беларусі, расце: памежнікі за перыяд 1-23 кастрычніка не ўпусцілі ў краіну 1558 такіх замежнікаў, за ўвесь верасень іх было 981, з пачатку года — каля 4200.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары