Мінфін прызнаў цяжкасці з рэфінансаваннем дзяржаўнага доўгу. Грошы хочуць узяць у Еўразійскага фонду стабілізацыі і развіцця
Беларусь разлічвае на чацвёртую крэдытную праграму Еўразійскага фонду стабілізацыі і развіцця, паведамляе interfax.by са спасылкай на прэс-службу Мінфіна.
«У сувязі з увядзеннем заходніх санкцый на гэтым этапе мы сутыкнуліся са складанасцямі па рэфінансаванні свайго валютнага дзяржаўнага доўгу. З некаторымі міжнароднымі фінансавымі інстытутамі праца пастаўлена «на паўзу». У гэтай сувязі супрацоўніцтва з Еўразійскім фондам стабілізацыі і развіцця, нашым даўнім партнёрам, з'яўляецца абгрунтаваным і выгадным з фінансавага пункту гледжання. Дарэчы, цяпер прапрацоўваецца ўжо чацвёртая праграма з фондам», — адзначылі ведамстве.
У Мінфіне абверглі публікацыі ў СМІ аб тым, што ўмовай праграмы была неабходнасць прывязкі нацыянальнай валюты да расійскага рубля альбо пераход на адзіную валюту ў рамках Саюзнай дзяржавы.
Беларусь у красавіку 2020 года звярнулася ў МВФ з просьбай аб прадастаўленні $940 млн у рамках інструментаў хуткага фінансавання для барацьбы з пандэміяй, аднак сродкі не былі вылучаныя з-за рознагалоссяў у частцы вызначэння спадарожных умоў.
У жніўні Мінск атрымаў ад МВФ $925 млн у эквіваленце на барацьбу з пандэміяй.
24 чэрвеня ЕС упершыню ўвёў сектаральныя санкцыі ў дачыненні да Беларусі, якія прадугледжваюць у тым ліку забарону на доступ Мінска на еўрапейскія рынкі запазычанняў.
Знешні дзяржаўны доўг Беларусі па стане на 1 жніўня 2021 года склаў $18,4 млрд, скараціўшыся за студзень — ліпень на $0,2 млрд, або на 1,1%.
Цяпер чытаюць
«Я быў у такой дупе, але паглядзіце на мяне». Стаўкі давялі беларуса да дна — ён расказвае, як выбраўся назад2
Каментары