Беларускія памежнікі на мяжы з Украінай затрымалі двух удзельнікаў «карагоднай справы» ў Брэсце
Маладыя людзі збіраліся пакінуць краіну.
Затрыманыя — 35-гадовы Андрэй Аніскевіч і 25-гадовы Ілля Палхоўскі, з пятай «карагоднай дзясяткі» ў Брэсце.
Аніскевіч атрымаў паўтара года хіміі, Палхоўскі — два гады хіміі. Яны вырашылі не адбываць пакаранне, а перабегчы мяжу Беларусі і Украіны. Узялі з сабой лесвіцу, каб пералезці праз сігналізацыйны комплекс, але іх затрымалі і ідэнтыфікавалі.
Зараз яны будуць дастаўленыя ў Брэст для адбыцця пакарання.
Нагадаем, што 13 верасня мінулага года ў Брэсце адбывалася чарговая пратэсная акцыя. Людзі маршам прайшлі па праезнай частцы праспекта Машэрава і спыніліся на яго скрыжаванні з бульварамі Касманаўтаў і Шаўчэнкі. Некалькі соцень асоб утварылі карагод. Была музыка, свята, нібыта карнавал — так згадваюць тыя падзеі відавочцы. Разганяць карагод прыехаў вадамёт.
Па гэтай справе ўжо асуджаныя некалькі дзясяткаў чалавек, а судзяць адразу цэлымі групамі.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6060
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне60
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары