Загінуў стваральнік ансамбля народнай музыкі «Свята» Васіль Купрыяненка
71-гадовы музыкант патануў у Бялыніцкім раёне.
Ансамбль «Свята» з 1980-х адраджаў у Беларусі народную музыку
На 72-м годзе жыцця загінуў заслужаны артыст Беларусі, заснавальнік Беларускага дзяржаўнага ансамбля народнай музыкі «Свята» Васіль Купрыяненка. Пра гэта паведамілі яго сябры.
«Яго славуты шпагат на сцэне з гармонікам — проста шэдэўр! Дзякуючы Васілю Аляксеевічу на Беларусі і па-за межамі гучаць «Цячэ вада ў ярок», «Мае вочы чорныя», «Пасеяла гурочкі», «Калі каліна не цвіла», «Мамачка родна, пусці на сяло» і іншыя, больш за 300 інструментальных апрацовак народнай музыкі і песень. Выдадзеныя некалькі зборнікаў! Вечная памяць, славуты маэстра!» — напісаў кіраўнік ансамбля «Свята» Вячаслаў Статкевіч.
Каментары