Пра гэта заявіў журналістам кіраўнік цэнтра інфармацыі КДБ Беларусі Валеры Надтачаеў.
Пра гэта заявіў журналістам кіраўнік цэнтра інфармацыі КДБ Беларусі Валеры Надтачаеў.
Паводле яго словаў, аб’ём незаконных паставак хімічнай сыравіны для наркавытворчасці, якія ідуць з Расіі праз Беларусь у Польшчу, павялічыўся за апошні год у 7 разоў.
«Міжнародны наркабізнес актыўна карыстаецца выгодным геаграфічным месцазнаходжаннем Беларусі і яе адкрытымі межамі з Расіяй».
Ён таксама дадаў, што апошнім часам істотна ўзрасла кантрабанда сінтэтычных наркотыкаў з Польшчы і краін Балтыі ў Беларусь.
На межах з Польшчай і краінамі Балтыі кантраляваць сітуацыю Беларусі ўдаецца больш пільна, і ўсё ж кантрабандысты знаходзяць шляхі праз памежныя лясы ці балоты, часам нават з дапамогай мясцовых жыхароў, якія зацікаўленыя ў дадатковых даходах.
Як заявіў Надтачаеў,
«Польшча паступова ператвараецца ў адзін з сусветных лідэраў па вытворчасці сінтэтычных наркотыкаў.
Тым часам у рэгіёне дзейнічаюць шмат міжнацыянальных арганізаваных злачынных груповак, у якія ўваходзяць грамадзяне Польшчы, Беларусі, Расіі, Украіны і краін Балтыі».
Паводле Надтачаева, наркарынак у Беларусі цяпер забяспечваюць дробныя наркадылеры. Летась у краіне былі распачатыя 122 крымінальныя справы ў сувязі з кантрабандай наркотыкаў. Былі асуджаныя 67 чалавек, канфіскавана амаль 20 кіляграмаў наркатычных і псіхатропных рэчываў.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары