Чачэнскі спецназ з гранатамётамі ў руках паскардзіўся Пуціну на незалежную газету
Байцы палка імя Ахмата Кадырава пры МУС Чачні запісалі відэазварот да прэзідэнта Расіі Уладзіміра Пуціна з просьбай звярнуць увагу на «нападкі» «Новай газеты» на адрас членаў падраздзялення.
«Я чужых лістоў не чытаю, тэлезвароту я не бачыў. Паколькі я не з'яўляюся адрасатам гэтага ліста, мой каментар на гэтым вычарпаны», — паведаміў РБК галоўны рэдактар «Новай газеты» Дзмітрый Муратаў.
Напярэдадні ў «варожай дзейнасці» ў дачыненні да «чачэнскага народа» «Новую газету» абвінаваціў міністр друку Чачні, памочнік кіраўніка рэспублікі Ахмед Дудаеў. Ён заявіў, што выданне займаецца «стварэннем фэйкаў» і запатрабаваў зачыніць яго.
Падставай для гэтага стала расследаванне «Новай газеты» аб пазасудовых пакараннях смерцю, якімі, паводле звестак выдання, займаліся чачэнскія сілавікі. 15 сакавіка выданне апублікавала аповед Сулеймана Гезмахмаева — былога супрацоўніка палка патрульна-паставой службы паліцыі ім. Ахмата Кадырава МУС па Чачні. Паводле яго слоў, у 2017 годзе ён асабіста ахоўваў затрыманых, якія пасля былі забітыя. Гезмахмаеў таксама распавёў пра свайго калегу, які ўдзельнічаў у пакараннях смерцю і паведаміў пра іх знаёмаму. Па словах былога супрацоўніка паліцыі, пасля гэтых падзей кіраўніцтва палка абвінаваціла яго калегу ў гомасэксуалізме, у канцы сакавіка 2017 года ён быў забіты.
У дзень выхаду матэрыялу журналісты «Новай газеты» паскардзіліся на рэзкі хімічны пах, які з'явіўся ля ўваходу ў рэдакцыю выдання ў Маскве. Пазней рэдакцыя апублікавала відэа, на якім, як сцвярджаецца, зняты чалавек, які распыліў невядомае рэчыва.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак5
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары