Акцыі супраць Пуціна ў Расіі: цэнтр Масквы перакрыты, больш за 4000 затрыманых па ўсёй краіне
На акцыі супраць карупцыі і за Навальнага выйшлі тысячы людзей па ўсёй Расіі.
Першыя акцыі пачаліся ў Сібіры і на Далёкім Усходзе Расіі. Каля тысячы людзей выйшла ў Новасібірску і Іркуцку. На цэнтральнай плошчы Якуцка некалькі дзясяткаў пратэстоўцаў сабраліся нават у саракаградусны мароз. Ва Уладзівастоку паліцыя выціснула людзей з цэнтра, і яны зладзілі карагод на лёдзе Амурскага заліва. Да іх высунуўся катэр на паветранай падушцы з паліцэйскімі, але заглух побач з пратэстоўцамі, паведамляе «Медуза».
Затрыманні праходзяць у Краснаярску, Барнауле, Новасібірску. Затрыманыя 13 чалавек у цэнтры Хабараўска. Усяго па Расіі затрыманыя ўжо больш за 500 чалавек.
У Маскве і Санкт-Пецярбургу выйшлі сотні людзей, ідуць масавыя затрыманні.
Паліцыя перакрыла для пешаходаў цэнтральныя вуліцы Масквы і закрыла на ўваход і выхад сем станцый метро.
Акрамя таго, у нядзелю ў цэнтры Масквы будуць зачыненыя кавярні, рэстараны і крамы. Нельга будзе купіць алкаголь і напоі ў шкляной тары з 09:00 да 23:00.
Каля адміністрацыйных будынкаў выстаўленыя агароджы.
Каманда Навальнага анансавала акцыі ў 142 гарадах Расіі.
Аляксея Навальнага затрымалі 17 студзеня ў аэрапорце Шарамеццева, калі ён вярнуўся ў Расію з Нямеччыны, дзе лячыўся пасля атручвання рэчывам з групы «Навічок».
Навальнага затрымалі на патрабаванне Федэральнай службы выканання пакаранняў (ФСВП), якая настойвае на тым, каб яму замянілі ўмоўны тэрмін па справе «Іў Рашэ» (тры з паловай гады) на рэальны. Пасяджэнне суда па заяве ФСВП прызначылі на 2 лютага.
Цяпер чытаюць
Арыштаваны 75‑гадовы Зміцер Санько — ветэран-выдавец4
Каментары