На працягу 20 гадоў Масква вылучыла агулам $600 мільярдаў для падтрымкі сяброўскіх рэжымаў ва ўсім свеце.
Увесь гэты час Расіяй кіраваў Уладзімір Пуцін: 4 гады як прэм’ер-міністр і астатнія гады як прэзідэнт. «Новая газета» падлічыла, што за гэту суму, вылучаную на кармленне рэжымаў, можна было пабудаваць 15 тысяч бальніц.
Больш за ўсё было выдаткавана на Аляксандра Лукашэнку — прыкладна адна шостая гэтай сумы, у тым ліку спісаныя крэдыты і розніца паміж рыначнай цаной на энергарэсурсы і цаной, па якой іх набываў Мінск. Лукашэнка абыходзіўся Расіі прыкладна ў $5 мільярдаў штогод. Крыху менш, але такія ж віды субсідый атрымліваў Кіеў да звяржэння Януковіча ў 2014 годзе, піша выданне Rzeczpospolita.
Ужо 7 гадоў Расія нясе страты ад акупацыі Данецкай і Луганскай абласцей. «Фактычна ўсё дастаўляецца туды бясплатна за кошт падаткаплацельшчыкаў», — сцвярджае маскоўскі эксперт Міхаіл Круціхін. Напрыклад, Данбас атрымлівае бясплатна газ ад Газпрома.
Аналагічная сітуацыя і з іншымі непрызнанымі абласцямі: Абхазіяй, Паўднёвай Асеціяй і Прыднястроўем. Усе яны бясплатна забяспечваюцца расійскай электраэнергіяй, а частка жыхароў атрымлівае пенсіі ад Крамля.
Шмат сродкаў было вылучана расійскім урадам у якасці дапамогі Венесуэле (прыкладна $20 мільярдаў) і Сірыі ($4,7 мільярда). Наконт Сірыі немагчыма дакладна падлічыць усе выдаткі на расійскую ваенную інтэрвенцыю, паколькі гэта інфармацыя з’яўляецца засакрэчанай. Тое ж самае ў Данбасе, дзе, па звестках украінскай разведкі, знаходзіцца каля 2 тысяч расійскіх салдат рэгулярнай арміі.
Таксама варта адзначыць, што за апошнія 20 гадоў Крэмль спісаў больш за $116 мільярдаў даўгоў, якія краіны трэцяга свету ўзялі яшчэ ў СССР. Паўночнай Карэі, напрыклад, Расія прабачыла $11 мільярдаў, а Ірану — $12 мільярдаў.
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе1
Каментары