Дэпутат Палаты прадстаўнікоў Ігар Марзалюк стаў госцем праграмы на СТБ, у якой ён паразважаў пра здраду і змяненне палітычнага пункту гледжання.
«Калі казаць пра тое, што такое здрада, гэта здрада сваёй краіне. Здраднік — гэта той, хто за чужыя грошы імкнецца на шкоду сваёй дзяржаве правесці чужы, варожы для краіны парадак дня, мэта якога заўсёды заняволенне краіны, знішчэнне суверэнітэту і знішчэнне пры дапамозе знешніх сіл усяго таго, што складае аснову, я б так сказаў, беларускага ладу жыцця. Вось гэта і ёсць здрада», — лічыць дэпутат.
«Усе ведаюць у краіне, што ёсць калядныя сустрэчы, стары Новы год, калі прэзідэнт запрашае тых, хто з яго пункту гледжання найбольш адзначыўся, узнагароджаных, і ўсе разам святкуюць завяршэнне навагодніх свят. Там жа ўручаюць і ўзнагароды, так было і ў пачатку гэтага года. Мне незразумела (я там быў): на гэтым старым Новым годзе была Аляксандра Герасіменя, яна падымала здравіцу, як і ўсе, за кіраўніка дзяржавы. Яна была побач, яна танцавала ў гэтым самым крузе. <…> Ці Станюта, якая была на адкрыцці рэстарана «Лебядзіны» ў снежні 2019 года, я там таксама быў. У яе «гарачай марай» было ангажаваць на белы танец кіраўніка дзяржавы», — сцвярджае Марзалюк.
Цяпер чытаюць
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца17
Каментары