Пастаўка нафты з ЗША не была аднаразовым крокам, пастаўкі будуць працягвацца ў рамках доўгатэрміновай праграмы. Пра гэта паведаміў журналістам міністр замежных спраў Уладзімір Макей, перадае БелТА.
Міністр падкрэсліў, што пры пошуку пастаўшчыкоў нафты Беларусь кіруецца ў першую чаргу прынцыпамі эканамічнай мэтазгоднасці.
Уладзімір Макей нагадаў пра даручэнне Лукашэнкі забяспечыць каля 30% неабходнага аб'ёму нафты за кошт паставак з альтэрнатыўных крыніц. «Пастаўка амерыканскай нафты, якая адбылася ў пачатку чэрвеня, — гэта не аднаразовы крок, а доўгатэрміновая праграма. Сапраўды гэтак жа, як мы маем намер актыўна працаваць над пастаўкамі вуглевадародаў з іншых крыніц, у тым ліку з Блізкага Усходу, іншых дзяржаў», — адзначыў ён.
Цяпер чытаюць
Анжаліка Мельнікава пасля знікнення набыла дзве кватэры ў Мінску71
Каментары