Галоўны рэдактар «Советской Белоруссии»: Назіральнікі не маюць права ўмешвацца ў працу старшынь камісій
Назіральнікі не маюць права ўмешвацца ў працу старшынь участковых выбарчых камісій. Такое меркаванне выказаў галоўны рэдактар »Советской Белоруссии» Дзмітрый Жук у праграме «Клуб рэдактараў».
«Ёсць кіраўнік участковай камісіі, менавіта гэты чалавек вызначае: што і як на гэтым участку адбываецца. І ў яго дзейнасць не мае права ніхто ўмешвацца — ні назіральнікі, ні высокія дзяржаўныя начальнікі, ні нейкія міжнародныя чыноўнікі. Гэты чалавек — важнае ключавое звяно, якое забяспечвае легітымнасць выбараў, іх празрыстасць», — адзначыў Дзмітрый Жук, разбіраючы інцыдэнт у Брэсце, калі назіральнік на ўчастку зафіксаваў спробу ўкіду туды бюлетэняў.
«Так і хочацца сказаць: паважаныя назіральнікі, не хапайце выбаршчыкаў за рукі», — заўважыў Жук.
Паводле яго слоў, паводзіны назіральніка на ўчастку ў Брэсце — гэта парушэнне закона.
Каментары