У Паўднёва-Афрыканскай Рэспубліцы забілі ўкраінца, які падарожнічаў турысцкай сцежкай да Хаўт-бей. Гэта адбылося ў суботу ў нацыянальным парку Таб-Маўнцін-Майн паблізу другога па велічыні паўднёваафрыканскага горада Кейптаўн, піша ВВС.
Паводле паўднёваафрыканскіх СМІ, мужчыну звалі Іван Іваноў, яму было 44 гады.
Міністэрства замежных спраў Украіны пакуль не каментуе гэтыя паведамленні.
«Пасля кароткай бойкі з трыма нападнікамі яго некалькі разоў нажом ударылі ў грудзі і ён сцёк крывёю», — піша выданне IOL са спасылкай на мясцовыя крыніцы.
Затым зламыснікі ўцяклі ў бок Хаўт-бей.
Мяркуецца, што напад выклікалі заплечнік і іншыя рэчы турыста.
Аднаго з верагодных забойцаў, які нёс заплечнік, заўважылі мясцовыя жыхары і паведамілі ў паліцыю.
Праваахоўнікі затрымалі падазраванага і даставілі яго ў пастарунак.
Акрамя заплечніка ўкраінца ў затрыманага выявілі і мабільны тэлефон Іванова.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе10
Каментары