У Францыі знайшлі падводную лодку «Мінерва», якая затанула ў Міжземным моры 51 год таму. Пра гэта паведаміла міністр абароны Францыі Фларанс Парлі ў сваім твітары.
«Мы толькі што знайшлі «Мінерву». Гэта поспех, палёгка і тэхнічны подзвіг. Я думаю пра сем'і, якія так доўга чакалі гэтага моманту», — напісала яна.
Дызельная падводная лодка «Мінерва» затанула 27 студзеня 1968 г. ў Міжземным моры ў раёне Тулона. Вядома, што субмарына знікла, калі была на адлегласці прыкладна 25 марскіх міль (46 км) ад сваёй базы. Экіпаж паведаміў, што прыбудзе на базу на працягу гадзіны, аднак больш на сувязь субмарына не выходзіла. Што менавіта адбылося, невядома.
На борце субмарыны знаходзіліся 52 маракі.
З моманту трагедыі французскія ўлады спрабавалі знайсці абломкі падлодкі. У мінулым годзе сваякі загінулых звярнуліся да ўрада Францыі з просьбай аднавіць пошукі. Аперацыю па пошуку абломкаў «Мінервы» аднавілі у 2019 годзе, некаторыя звесткі пра месцазнаходжанне падлодкі быў перагледжаны «ў святле новых навуковых звестак», паведамляе BFM TV.
Знайсці абломкі субмарыны дапамагло судна Seabed Constructor, якое належыць амерыканскай гідраграфічнай кампаніі Ocean Infinity. Яно прыбыло да меркаванага месца катастрофы пасля абследавання дна беспілотнымі апаратамі.
Раней гэта кампанія знайшла затанулую аргенцінскую субмарыну.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары