Аляксандр Лукашэнка зрабіў шэраг кадравых прызначэнняў, піша БелТА.
Намеснікам старшыні Прэзідыума НАН прызначаны Аляксандр Кільчэўскі, які да гэтага працаваў на пасадзе галоўнага вучонага сакратара Нацыянальнай акадэміі навук. У сваю чаргу гэту пасаду заняў Андрэй Іванец. Раней ён быў намеснікам дырэктара па навуковай рабоце Інстытута агульнай і неарганічнай хіміі Нацыянальнай акадэміі навук.
Лукашэнка таксама даў згоду на прызначэнне Вадзіма Маханько генеральным дырэктарам РУП «Навукова-практычны цэнтр Нацыянальнай акадэміі навук па бульбаводстве і плодаагародніцтве». Да гэтага часу ён займаў у гэтай арганізацыі пасаду намесніка генеральнага дырэктара па навуковай працы НАН Беларусі.
Дзяржаўнае вытворчае аб'яднанне па паліве і газіфікацыі «Белпалівагаз» ўзначаліць Аляксей Кушнарэнка. Да гэтага часу ён кіраваў вытворчым РУП «Магілёўаблгаз». Пасаду гендырэктара ААТ «Мінскі аўтамабільны завод» — кіруючая кампанія холдынгу «БелаўтаМАЗ» зойме Валерый Іванковіч, які раней з'яўляўся генеральным дырэктарам ААТ «Амкадор».
Гендырэктарам «Лідсельмаш» стане Рыгор Іванькоў, які раней ўзначальваў «Амкадор-ДОМЗ». На пасаду генеральнага дырэктара Кіруючай кампаніі холдынгу «Беларуская цэментная кампанія» ўзгоднены Аляксандр Даўгала. Раней ён працаваў начальнікам упраўлення будаўніцтва і жыллёва-камунальнай гаспадаркі Апарату Саўміна.
Таксама Лукашэнка даў згоду на прызначэнне Таццяны Лугіной старшынёй Беларускага дзяржаўнага канцэрна па вытворчасці і рэалізацыі тавараў лёгкай прамысловасці
На пасаду першага намесніка міністра архітэктуры і будаўніцтва ўзгоднены Ігар Касцюкоў. Да гэтага ён працаваў у міністэрстве на пасадзе начальніка галоўнага ўпраўлення будаўніцтва. Акрамя таго, Аляксей Ананіч узгоднены на пасаду намесніка міністра архітэктуры і будаўніцтва. Да гэтага часу ён працаваў на пасадзе намесніка дырэктара па эканоміцы праектнага камунальнага унітарнага прадпрыемства «Мінскпраект».
На пасаду старшыні Жабінкаўскага райвыканкама ўзгоднены Віталь Кулак. Ён раней узначальваў камітэт па сельскай гаспадарцы і харчавання Брэсцкага аблвыканкама.
Юрый Бісун, які кіраваў Іванаўскім райвыканкамам, зойме пасаду кіраўніка Пружанскага райвыканкама.
Іванаўскі райвыканкам узначаліць Анатоль Ткачук, які з'яўляецца дэпутатам Палаты прадстаўнікоў.
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары