Як стала вядома Tribuna.com, Юрый Чыж у найбліжэйшы час можа пакінуць мінскае «Дынама» і перадаць яго новаму ўласніку. Характар і ўмовы здзелкі на гэты момант невядомыя. Прозвішча новага ўласніка таксама не называецца.
Крыніцы, блізкія да клуба, паведамілі, што гэтае рашэнне можа быць звязана з паражэннем ад «Зеніта» з лікам 1:8.
Уласнік можа памяняцца ўжо да канца года. Паводле іншых звестак, перадача клуба можа адбыцца ўжо ў верасні.
Чыж стаў старшынёй праўлення ў мінскім «Дынама» ў 1999 годзе.
Падчас кіраўніцтва Чыжом Дынама адзін раз выйграла чэмпіянат, 8 разоў займала другое месца, 5 разоў — трэцяе. Чыж памяняў 32 трэнеры.
Раней паведамлялася, што на мінскае «Дынама» прэтэндаваў былы кампаньён Чыжа па «Трайплу» Уладзімір Япрынцаў. Паводле інфармацыі Tut.by, бізнэсовец нават напісаў ліст на імя Лукашэнкі пра сваё бачанне развіцця «Дынама» з указаннем крыніц фінансавання.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе36
Каментары