Блогер Дзяніс Блішч паставіў мэту схуднець на 50 кілаграмаў. Мінус 20 ужо ёсць
Сёння ён выклаў у свой фэйсбук фотаздымак, які падпісаў: «Твар чалавека, які скінуў 20 кг вагі».
Але пра тое, якім чынам дамогся такога выніку, былы рэдактар «Анлайнера» распавядае коратка:
«Да спорту я халаднаваты, таму стараюся правільна харчавацца і хаджу паміж вёскамі, пра што расказваю ў сваім інстаграме. Мінус 20 кілаграмаў — гэта пакуль прамежкавы вынік. Я абяцаю расказаць і паказаць усе «да» і «пасля» месяца праз паўтара».
Прылада на тэлефоне, якой карыстаецца Дзяніс, паказала яму, што неабходна скінуць 50 кілаграмаў ад цяперашняй вагі.
«Я, праўда, не ўпэўнены, што такое магчыма», — прызнаецца блогер.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6363
Каментары