Прыватная амерыканская кампанія правяла паспяховы эксперыментальны запуск турыстычнай ракеты
Амерыканская аэракасмічная кампанія Blue Origin, якая займаецца распрацоўкай ракеты для турыстычных палётаў у космас, правяла тэставы запуск абноўленай ракеты, у якую дадалі ілюмінатары для турыстаў. Ракета паспяхова вярнулася на Зямлю.
Раней кампанія ўжо праводзіла тэставыя запускі ракеты, але тады яна была без ілюмінатараў. У планах Blue Origin — правесці серыю пробных запускаў з пілотамі на борце, пасля чаго пачаць выконваць камерцыйныя рэйсы, паведамляе The Verge.
Адзін палёт на New Shepard будзе цягнуцца каля 11 хвілін, з іх каля 3 хвілін — ва ўмовах мікрагравітацыі. Турысты змогуць пабываць на вышыні больш за 100 кіламетраў ад паверхні планеты.
На відэа можна пабачыць неверагодныя кадры, як ракета плаўна прызямляецца, і асобна ад яе — капсула, у якой у будучым будуць знаходзіцца турысты:
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары