У Каралеўскім музеі Антарыё ў Таронта выставілі сэрца сіняга кіта вагой 200 кг, цела якога было знойдзенае ў 2014 годзе. Пра гэта паведамляецца на сайце музея. Паколькі цела было ў добрым стане, біёлагі вырашылі захаваць вялізнае сэрца.
«Вялізны памер кіта паскарае працэс разлажэння, таму нам давялося тэрмінова ратаваць сэрца», — распавяла Жаклін Мілер, якая ўзначаліла першае мерапрыемства па захаванні гэтага велізарнага органа.
Захаваць сэрца ўдалося з дапамогай пластынацыі — метаду бальзамавання і кансервацыі, які складаецца ў замене вады і ліпідаў у біялагічных тканінах на сінтэтычныя палімеры і смолы.
Сэрца кіта пасля праведзеных работ навобмацак стала пластмасавым, таму цяпер яно не атрымае пашкоджанняў, нават калі наведвальнікі музея захочуць дакрануцца да незвычайнага экспанату.
Цяпер чытаюць
«Яна была спартыўнай дзяўчынай». Што вядома пра загінулую пасажырку дэльтаплана, які ўпаў пад Мінскам2
Каментары