Луіза Артэга, генеральны пракурор Венесуэлы, асудзіла намер уладаў краіны перапісаць канстытуцыю, абмежаваўшы паўнамоцтвы парламента.
59-гадовая Артэга — былая паплечніца прэзідэнта Нікаласа Мадура. Аднак сёлета яна раптоўна дыстанцыявалася ад яго. Яна выказала сумнеў у законнасці разгону дэманстрацый супраць цяперашніх уладаў.
Мадура кантралюе суды, спецслужбы і армію.
«Нехта пагражае маёй сям'і», — расказала Артэга ў панядзелак. «Пераследуюць іх, ездзяць за імі на хвасце, з выгляду як SEBIN», — цытуюць Артэгу венесуэльскія СМІ.
SEBIN — гэта створаная Уга Чавэсам Баліварыянская служба выведкі.
У той жа час дзяржаўныя СМІ абрынулі на Артэгу шквал абвінавачванняў.
Пратэсты ў Венесуэле працягваюцца ўжо два месяцы. Яны маюць гвалтоўны характар, у іх загінулі 67 чалавек з абодвух бакоў, яшчэ тысячы былі параненыя.
Цяпер чытаюць
У беларускія пашпарты будуць упісваць групу крыві11
Каментары